Paani ka bahaav kuch tez tha
Naav dagmagaii
Dil dhatak utha
Toofan aate hue dekh
Mai ne bhagwan ko awaaz lagaii
Aasman se awaaz goonj uthi
Tumhare kartoothon ke wajah se
Maine kuch kathor nirnai liye hain
Line mein aage Rahu-Ketu khade hain
Inhe somph rahaa hun tumhare zindagi ke kuch saal
Rona-dhona, maar-kaat aur behadd pareshaan honge tumhare
haal
Hamdardi milegi par pyaar nahi…
Dukho ke bachne ka koi raasta nahi
Har baat ko galat samjhaa jayega
Har kaam ko neecha dekhaa jayega
Pare hatao sab doston ko
Kyon ki …har rishta nashth ho jayega
Paani ka bahaav kuch tez tha
Naav dagmagaii
Dil dhatak utha
Toofan aate hue dekh
Mai ne bhagwan ko awaaz lagaii
Akele…toofan se dari hui
Na dost naa thikaana
Na paisa na koi parwaana
Sirf akelaa – pan
Phir maine ek halki awaaz lagai
Par bhagwaan ne ek naa suni
Ek taraf kuan doosri taraf khai
Tootaa hai dil par
saanse abhi hai baaki
abb sirf akelaa-pan hoga saathi
naa hoga koi dost naa thikaanaa
naa paisa… naa parwaana
No comments:
Post a Comment